PUKAR

Mayne bhi dekha hai ik sapna  , is sunder jag mein aane ka ,

Apni pachchan banana ka , baygani se is duniya mein ,

Apno ka sath pane ka , kr de mayra sapn saker ,

De de mujh ko tu aakar , sun le maa mayri pukar !

Us bat ki kyo ho saza , jis mein chipa ho tayra pyaar ,

Mayri bali de kr ke kyon tum , khud per karti ho aytyachar ,

Nikher jay mayra astitave , baha do prem ki who rasdhar ,

Is nanhi kali ko khelne de , mt chin mayra yah aadhikar ,

Sun le ……….  !

Mein nahi hu maa kisi se kum , mein tayri hi chaya hu ,

Tayre khun se sinchi gayi jo , vo nirmal se kaya hu ,

Ik vada karna tu mujh se , mayri yah vinti hai tujh se ,

Ke is duniya se pahle mujh ko ,Ker le maa tu savekar  ,

Sun le ……………………. !

Kya tune bhi apna varchsav , esi tarh se paya tha ?

Kya tujhe bhi koi ,is jhan mein majburi se laya tha ?

Ban ja tu durga ,bhvani ,mat ban bebas aur lachar ,

Mujh ko janam de ker he janni , ker de mayra bhi uddhar ,

Sun le maa ……………….. !

Aao aaj kasam yah kha le , nahi karege yah apradh

Tor ker sare khokhle bandhan  , kare samaj ka sarvothan ,

Nav chaytna ka kare sanchar , jise na sake koi nakar !

Mayri hai maa yahi guhar , sun le maa mayri pukar ,

Sun le ……………. !